Âşıkam meftûn-ı cânân olmayan bilmez beni
Hançer-i ʿaşk ile kurbân olmayan bilmez beni
Anlamaz ahvâlimi her ûf-meşreb müddeî
Bâde-nûş-i bezm-i ʿirfân olmayan bilmez beni
II
Arturup sevdâ ser-i pür-ş’ûra her dem zülf-i yâr
İtdiren hep ʿaşḳ-ı dil-berdir bana terk-i diyâr
Ehl-i derdem sırrımı nâ-dâna itmem âşikâr
Hikmet-i ʿaşk içre Lokmân olmayan bilmez beni
III
Mâʾilem bir şûha cevr eyler ben itdikce niyâz
Rahm idüp bir dem dil-i bimâra olmaz çare-sâz
Öyle zâr itmiş beni ol Yûsuf-ı iklm-i nâz
Hicr ile Yaʿkûb-ı Kenʿân olmayan bilmez beni
IV
Sâk-i ʿirfân elinden nûş idüp peymâneyi
Târ-ı zülf-i yâre bend itdim dil-i divâneyi
Hep alayıkdan gecup itdim vatan mey-haneyi
Fakr iklminde sultan olmayan bilmez beni
V
Halk-ı alem sekker-i lal-i lebinden kam-yab
Kalmısam bi-behre ben ancak esr-i tef ü tab
Murg-i canım Hamasa oldı firkatle kebab
Hasret ü suz ile biryan olmayan beni bilmez